Coşqun Cəfər-»Şairlərə qohum Allah»!
Daha üz qalmayıb məndə,
Gözünə dik baxım Allah.
Səndən uzaq düşüb bəndən,
Gələ bilmir yaxın Allah.
Əlin uzat əlimdən tut,
Yıxılıram qolumdan tut,
Ver mənə birazca ümid,
Şairlərə qohum Allah.
Archive for the ‘Poeziya’
Tural Ağatlı-»QAR»
Suvarır hər yanı ağappaq dəniz
Yerin ürəyini sərnidən kimi.
Necə də od tutub köksüm bilsəniz,
Söndürün eşqindən yanan qəlbimi.
Baz onda sevgim də, odum da artar,
Siz ey ulduzlardan qopan ulduzlar.
(далее…)
Dilşad Araz-»Yoluna göz dikən eşq əhlinin imdadına yet»
Nə zamandır çəkirəm həsrətini cananın,
Könlümün mülkünə o candan əziz sultanın.
Tazə güllər açıb,ey sərvqədim,gülşəndə,
Mənə sənsiz nə gərək ətri gülün,reyhanın.
Gəl çıx,ey sərv-rəvan,canımı yandırdı fəraq,
Söndürüm vəslin ilə atəşini hicranın.
Tazə ay tək bulud ardından əgər çıxsan,inan,
Bir canım var,onu da eyləyərəm qurbanın.
Niyam-»Gələsən»
Kaş verə izni zühur Xaliqi-Sübhan gələsən,
Edəsən aləmi nurunla çıraqban , gələsən.
Qədəmin bəxş edəcəkdir quru səhraya həyat,
Həmi pəjmürdə təbiət tapacaq can, gələsən.
Vaxt ötür, gözləməyə yoxdu lüzum şəvval ayın,
Gəl edək birgə obaşdan bu rəməzan , gələsən.
Tükənib səbrü qərar, tabü təvan, Sən yoxsan,
Axı, həsrət uzanar bəs haçanaycan, gələsən.
Xatirə Vaqif-»Mehdi Sahibəzzaman(ə.s) mövlüdi»
Kim ki, məhşər gününə qəlbdə iman aparır,
Elə bilsin ki ,bütün dərdinə dərman aparır.
Qəlbi irfanla dolanlardadı rəbbin işığı,
Bunu yalnız bacarıb əsli müsəlman aparır.
Ya imam, həsrətin ilə bir ömür yol gəldim,
Başa düşdüm ki ,məni vəslinə hicran aparır.
Gecəni açmışam hər sübh azan sotilə
Ruhumu sanki alıb ayeyi Quran aparır.
Hara getdim, hara baxdım, səni axtardı gözüm,
Bu nə cür cazibədir ağlımı başdan aparır.
Əşrəf-»Bizlik deyil»!
Vəsl dərdin çək,könül,dünya ki var,bizlik deyil,
Çün bu dünya içrə çox məna ki,var,bizlik deyil.
Bir gülün eşqində əfqan eylərik,bülbül kimi,
Bağ içində hər güli-rəna ki, var,bizlik deyil.
Dərd əlindən qaçmadıq səhralərə,tab eylədik,
Məcnun adlı aşiqi-rüsva ki, var,bizlik deyil.
Biz ki,hicri-yar ilə bidarıq,ey dil,hər gecə,
Bəxtəvər aşiq görən röya ki, var,bizlik deyil.
Hasan Hüseyn YILDIZ-»Yâra giden yol kah Ravza’dan kah Kerbela’dan geçer»
Yâra giden yol kah Ravza’dan kah Kerbela’dan geçer,
Arif bir pay ister rızadan bin bir beladan geçer.
Akılda peşpeşe heyelan iman canadan geçer,
Miraç isteyen can dünyadan, arş u aladan geçer.
Mazi cennet mekan, rüyadan; hayat, hulyadan geçer,
Aşkın özü bilse Hüda’dan; Mecnun,Leyla’dan geçer.
Ey Dost! Sen kaldın xatıradan, hasretime sun suyu,
Nebi oğlu Hasan Hüseyin bâd-ı Kübâ’dan geçer.
Faiq Hüseynbəyli-»AĞ SÖZ»
Deyəsən lap ağ elədim,
Həddindən çox ağdı bu söz.
Ürəyimə dağ elədim,
Gör nə uca dağdı bu söz.
Nəyim varsa, elə budur,
Dərya kimi adam udur.
Oddur, havadır, sudur,
Bir qara torpaqdı bu söz.
Əvvəli var, sonu yoxdur,
Arxasında fonu yoxdur.
Geyinəsi donu yoxdur,
Əzəldən çılpaqdı bu söz.
Xatirə Vaqif-»Qəlbimin hər guşəsində Kərbəladan xatirə».
Ey könül, qalmış sənə qəm bivəfadan xatirə,
Qəm də gül üzlərdə iz qoymuş cəfadan xatirə.
Cismimin hər zərrəsində bir aləmdən var nişan,
Aləmin hər zərrəsində bir Xudadan xatirə.
Sormayın könlümdəki neylər nəvalar susmur heç,
Çünki o neylər nəvalar Ney- Nəvadan xatirə.
Çoxdan arzumdur olam zəvvarı, olsun həmdəmim,
Qəlbimin hər guşəsində Kərbəladan xatirə.
Seyran İsmayılov-»Gəzib meyxanələr içrə əcəb məstanələr gördüm»
Gəzib meyxanələr içrə əcəb məstanələr gördüm,
Baxıb məstanələr içrə əcəb mərdanələr gördüm.
Sədaqətlə binalanmış təriqi eşqə boylandım,
Həqiqətlə cilalanmış sədəf dürdanələr gördüm.
İbadətlə səfa tapsa ürəklər yol tapar həqqə,
Həqiqətlə dolan gözlər deməz əfsanələr gördüm.
Vəfa rahin tutan aşiq sarılmiş şövqilə xarə,
Tikanlardan içib nabın olan məstanələr gördüm.
Tural Ağatlı-»MƏHƏBBƏT QƏSRİ»
Gündüz Günəş, gecələr Ay daima
Nurunu başından tökə-tökdədir.
Bir qələm götürüb hər ulduz ələ,
Şəklini göylərə çəkə-çəkdədir.
Nazlanıb dünyaya sığmayır cilvən
Bir göyə min cürə çəkiləndə sən.
Mələklər padşahı doğulan gündən
Qəlbində məhəbbət əkə-əkdədir.
Camalın yaranıb dürr parçasından,
Yoğrulub xəmirin sirr parçasından,
Bir sədəf dişinin bir parçasından
Sevgilin qəsrini tikə-tikdədir.
Xatirə Vaqif-»Ölümüne darıxan qarı»
Məsum çöhrəsində fələyin fırçasıyla
Çəkilmiş rəsmlər…
Ürəyinin ən dərin guşəsində
Tək özünün eşidə biləcəyi sarı simlər
Səssiz –səssiz inləyirdi…
Qarı həyatını dinləyirdi…
Gözlərində aləmlərdən keçən yolların yorğunluğu,
Saçlarında ömrünün ona dəlicəsinə vurğunluğu,
Bükülmüş boynunda özünə yer edən xəcalət,
Çiyinlərində yük götürdüyü səfalət,
Hər an ürəyini sıxırdı,
Qarı ölümünə darıxırdı…
Ramazan YAŞAR-»Üstad ve Ben»
O demdeki perdeler kalkar, perdeler iner,
Azraile ‘hoşgeldin’ diyebilmekte hüner’……
NECİP FAZIL KISAKÜREK
Felek çark eyledikçe gel de tahammül eyle
Üstad ben bu dert ile nasıl yaşarım söyle…
Nokta nokta bir efkar alın çizgilerinde
Sende bir ışık gördüm gözlerinin içinde.
Ardımda hassasiyet önüm yakıcı hayal..
Nerde çilekeş tecrit? Nerde arzuyla melal?
Ne diyordu Reis Bey: ‘Kuşatmalı merhamet’
Bu onurlu millete Allah’ım sen yardım et.
Doğsun yine külünden doğudan bir semender
Gel taşı gediğine koyalım hep beraber…
Duygular tutuşunca gözüm yaşı çağlasın
Kirpiklerim seyretsin gözbebeğim ağlasın…
(далее…)
Qəşəm Nəcəfzadə-»Qarabağ şikəstəsi»
Bakı şəhərində
Yazıçılar Birliyində
vətənimin yanında
vətənimin önündə
ayə, ölürəm mən.
Özü də yaman ölürəm
Sevgili canan ölürəm
əzizinəm restoran şuşa
qayası sementlə qayrılan şuşa
sementin köhnəymiş nəymiş
daşından bir parça qırılan şuşa
adın yazılan yerə şuşa deməzlər
havan olan yerə şuşa deyərlər
ayə, ölürəm mən,
dağda duman ölürəm
qardaş yaman ölürəm
Tural Ağatlı-»Gecələr»
Gizli dostum, təbəssümüm riyadır,
Nə çəkirəm məndən soruş gecələr.
Aman Tanrım, bu hicranla, bu dərdlə
Gətirirəm hələ duruş gecələr.
Eşq anlamaz nə cəhənnəm, nə cənnət,
Yoxsa məşuq, şad ömrümə min lənət.
Dilənirəm ürəyimdə məhəbbət,
Əllərimdə qəpik-quruş gecələr.
Dərdim olmaz, yara bağban seçilsəm,
Dilbərimin vücuduna biçilsəm.
Hər ahımda zərrə-zərrə kiçilsəm,
Böyüyərəm qarış-qarış gecələr.
Canan gəldi, bizə mehman olmadı,
Həsrət çəkən ürəyimdə qalmadı.
Can apardım sahibinə, almadı,
Ağlayırdı üzdə qırış gecələr.
UNESCO İrlandiyanın paytaxtı Dublini “Ədəbiyyat şəhəri” elan edib.
'
Bu barədə Milli.Az xəbər portalına Gəncə şəhər Mədəniyyət və Turizm İdarəsindən məlumat verilib.
Qalmaqallı Britaniya yazıçısı Salman Rüşdinin “Şeytan ayələri” romanının Azərbaycan dilinə tərcüməsinin “Unikal” qəzetində çapı dayandırıldı. Bu dəfə birdəfəlik.
